2024-09-05Text: Louise Yuen
大閘蟹2024｜陶源、富臨$488起任食大閘蟹片皮鴨2小時！$588位六両大閘蟹套餐有專人拆蟹？8道菜食埋蟹粉燴⿂翅、扣鮑魚
踏入初秋，又是時候擦大閘蟹！不少酒家、中菜廳陸續推出大閘蟹放題及大閘蟹套餐，陶源酒家及富臨酒家都可以任食大閘蟹、片皮鴨 2 小時，折後每位不過 $488 起。尖沙咀个園竹語的六両大閘蟹套餐則以 $588 食勻八道菜式，由六両江蘇⼤閘蟹、蟹粉燴⿂翅、扣鮑魚至蟹粉小籠包，吃出啖啖滋味。
大閘蟹2024｜陶源︰2小時大閘蟹放題回歸！3種煮法+任食片皮鴨
陶源酒家的 2 小時大閘蟹放題回歸！最大賣點是店裏供應多種煮法的大閘蟹，包括清蒸大閘蟹、太雕蒸大閘蟹及油鹽焗大閘蟹，統統任食。大閘蟹以外，放題也提供各種滋味小菜，由片皮鴨、椒鹽海中蝦、避風塘雞中翼、脆鹵豆腐食到川味牛柏葉都有，每位客人更獲贈一份「特盛三式」，可以食勻鮑汁扣原隻鮑魚伴百靈菇、金湯小米燴遼參及蟹粉扒豆苗，最後再送上楊枝甘露、蛋白杏仁茶等甜品，每位約 $528 至 $588 起。
若經陶源網站預訂，大閘蟹放題更減至每位 $498 起，而且星期一至日同價，相對更抵食！
（圖片來源︰陶源酒家）
（圖片來源︰陶源酒家）
陶源酒家
開放時間︰中午12 時至 4時、下午 6 時至 10 時
預訂詳情按此
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票
