【估佢唔到面相特點】風月俏佳人Julia Roberts減壓秘方：從竹戰中悟出和諧哲理與生活藝術

　　各國的疫情不斷在變。如何在變中求一點心裏的和平呢？我們且借鏡一下佳人的雋語。

 

　　以「風月俏佳人」一片爆紅荷李活的Julia Roberts茱莉亞羅拔斯曾接受名嘴Stephen Colbert訪問，背景是熣燦的大都會夜景，佳人穿著炫彩晚服——亮紅＋金線＋翠綠＋玫瑰紅，像一隻轟動開屏的孔雀，但又不覺得她俗，只覺得她有節日的喜氣洋洋，放射著Upbeat的能量。

 

　　「你平時用乜嘢方法減壓？」主持人問。

 

　　「我每星期都同女朋友打麻將。」佳人答。

 

　　台下響起一片歡呼聲，相信香港的網友也會有不少人共鳴。

 

　　「你點玩呀？不過你唔使講晒所有規則畀我聽。」大有你講我都唔明之意。

 

　　「噢！我都唔掂。」

 

　　主持人回到童年說：「我細個時嫲嫲有一套麻將，我估都有成百年咧，背面係竹正面係象牙，靚到絕！不過我想像唔到你點玩喎，咁複雜，有乜意思呢？」

 

　　「其實我都搞唔清所有規矩。但呢個遊戲嘅精髓係：隨機抽牌，係混亂中創造一個秩序。

 

　　「WOW！」主持人明顯折服。

 

　　「深奧呢！」佳人總結。

 

　　苿莉小姐的面相，就如她的行業，充滿戲劇性。

 

　　她眼大嘴巴大，笑起來很charming，有點天真。鼻子尤為特別，鼻樑幼長、鼻頭挺秀、鼻翼有力，我形容之為「好奇鼻」，這種鼻子的人很有主見，凡事都有自己一套，又喜歡新鮮事物，想做就去做，不太受傳統規範，所以無論思想或行徑，都屬於「你估唔到」。

 

　　就如她在訪談中透露，其減壓良方是閨密搓麻將，你真係估唔到鬼婆會每周竹戰。及至她說出遊戲的深意，更是充滿睿智，竟然在噼噼啪啪的擾攘中，悟出和諧的哲理、生活的藝術。

 

　　難怪她有以下金句：

 

　　「女人！你不是渣男的康復中心，你不需要去改他、救他，或好像媽媽一般湊大他。你是要找一個伴侶，不是接一單工程！」

 

　　說得多痛快。

 

　　好一位有膽識、有主見、有深度的竹戰俏佳人，除了宏揚了我們的國粹外，還燃亮了一點人生智慧。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】陳美寶、羅淑佩分別被任命為運物局及文體旅局局長，你是否認同新任命有助香港鞏固物流樞紐地位及促進旅遊經濟？► 立即投票