疫下新人對結婚睇法有變，婚禮Marketing都要變！輕婚禮、直播婚禮最能吸引新一代？

　　新一代年青人對婚姻漸漸睇得好「化」，但新人對婚禮中大大小小嘅儀式較為睇得開。其實多數年青人會覺得婚禮只係為父母而舉辦嘅「大型綜藝節目」，再加上近年疫情影響，如冇父母/ 家人特別壓力的話，規模愈細愈好。近期有地方調查指出，只得三成年青受訪者認為搞婚禮係必要項目，係婚姻當中一個重要儀式，而其餘七成人則覺得婚禮係「非必要」、「慳錢唔搞」、「視經濟情況」、「旅行結婚更好」等等，擺酒等儀式可免則免。隨著新一代對結婚睇法嘅轉變，好多婚禮相關生意策略都不停在變，除咗包裝同策略上嘅變動，儀式亦層出不窮。

　　雖然年青人對商業味濃厚婚禮 / 婚宴十分抗拒，但商業味亦冇因而減少，反而商人開始從包裝同宣傳手法著手，希望令新人較易接受。而近年宣傳上明顯改變不少，慢慢減少出現「一生只得一次」呢類說法，取而代之會著重婚禮 / 婚宴嘅重要性。而主目標客群亦開始轉移，以前多數會男女共同為一個單位，但可能近年大多男性對婚禮策劃未必太上心，主導權有下降跡象，所以目標客群開始以女性為主，宣傳內容則常給予女性一個憧憬，希望以女性Consumer（消費者） 影響男性Customer（付費者）作消費。

（圖片來源：unsplash）

　　疫情影響下親友出席婚宴變得困難重重，令親友們未能一同出席，所以婚禮形式亦有所改變。疫情下為滿足「長老們」需要，而家出現咗「輕婚禮」/「微婚禮」。以前婚禮過程中只有普通拍攝製作，而近年則盛行「直播婚禮」。酒店會提供隨團攝製隊，除咗拍攝及即時直播當日證婚過程之外，其後亦會安排直播互動環節，親友們可以即時喺網上送上祝福語，同新人互動。更有婚禮策劃公司會幫新人 / 親友安排「網上送禮」（aka. 網上俾人情），令身處不同地方嘅親友都能一同參與婚禮。另外有外國酒店會將婚晏分成兩部分，親友會到場參加證婚，但晚宴則改為家中進行。酒店會將食物打包，到場親友可於證婚後帶食物回家享用，以減低感染風險。

　　預計未來新人對婚禮嘅預期同洗費會漸漸兩極化，好肯花費同唔會花費嘅人會愈來愈多。雖然大眾已經習慣與疫情相處，但只要當疫情完全過去時，好多事情必定有好大變化，所以未來嘅趨勢仍是充滿未知之數。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【香港好去處】etnet全新頻道盛大推出！全港最齊盛事活動資訊盡在掌握！► 即睇