2021-12-06Text: Yan LawPhoto: Ashley Tsoi

最「IG-able」 GODIVA朱古力下午茶！吸睛旋轉黑膠唱片機盛載，精緻鹹甜點轉住上！

　　話明是朱古力主題下午茶，朱古力當然才是主角！先介紹甜點吧！重點推介有「檸檬馬鞭草覆盆子馬卡龍」！師傅特意將馬卡龍設計成可愛的手挽袋，夾著朱古力、檸檬馬鞭草和覆盆子夾心，味道酸酸甜甜不會太膩！

檸檬馬鞭草覆盆子馬卡龍

　　以金箔點綴的「酒漬櫻桃黑朱古力」，不但賣相精緻，味道亦有驚喜！咬開一口後，酒香在口腔裏瀰散開來，卻又不會蓋過朱古力的香甜！

酒漬櫻桃黑朱古力

　　眼前這款「自家製碎榛果朱古力」，以薄脆的榛果碎粒外層包著朱古力軟心，口感層次好豐富，大滿足！至於「伯爵茶黑朱古力慕絲」，用上72%黑朱古力炮製，不會太甜更帶有淡淡茶香，好吃！

自家製碎榛果朱古力

伯爵茶黑朱古力慕絲

　　鹹點亦同樣吸引！其中「朱古力脆皮鴨肝慕絲伴黑魚子」最矜貴，用幼滑甘香的鴨肝慕絲配黑魚子，加上金箔點綴，賣相極吸引！另有「挪威煙三文魚伴三文魚子」、「甜蝦血色瑪莉」、「辣肉腸橄欖球串」等，款款惹味！而鹹甜點以外，下午茶當然不少得英式傳統鬆餅啦！食完大滿足！

（左）白朱古力脆皮鴨肝慕絲伴黑魚子

（右）挪威煙三文魚伴三文魚子

（左）甜蝦血色瑪莉

（右）辣肉腸橄欖球串

兩小時任食GODIVA軟雪糕！

　　咪住！這個朱古力主題下午茶還有另一亮點，就是包兩小時任食GODIVA軟雪糕和士多啤梨朱古力！你無理由錯過啩！更筍的是，凡星期六、日及公眾假期惠顧下午茶，更可額外獲贈法國氣泡酒一杯！有美食又有美酒，同朋友chill足一個下午！正！

下午茶包兩小時任食GODIVA軟雪糕

凡星期六、日及公眾假期惠顧下午茶，可額外獲贈法國氣泡酒一杯！

　　Hotel ICON亦提供下午茶外賣自取服務（$658），雖然沒有黑膠唱盤機，但一樣有齊13款特色鹹甜點，份量可供2人享用，另送你2張GODIVA軟雪糕禮券！訂一個在家裏慢慢歎，都好chill！

「GODIVA甜蜜獻禮」下午茶

供應日期：即日起（需提前一天訂座）

供應時間：（首輪）2:45pm－4:45pm／（次輪）4:45pm－6:45pm

價錢：星期一至五（每位$408／每兩位$748）；星期六、日及公眾假期（每位$438／每兩位$788）*另收加一服務費 *預訂時須支付每位$100訂

「GODIVA甜蜜獻禮」外賣下午茶

預訂日期：即日起至2022年1月12日

取貨日期：即日起至2022年1月14日

價錢：$658／兩位用

自取地點：大堂餐廳GREEN

「GODIVA甜蜜獻禮」外賣下午茶

　　臨近聖誕，Hotel ICON更推出多款GODIVA朱古力聖誕限定甜品，包括勁吸睛的「聖誕甜品樹」（$798），以及紅鼻小鹿和聖誕老人造型的「聖誕驚喜朱古力球」（$688）等，無論自己食定送禮都開心！12月19日前於酒店網上商店預訂，更可享有早鳥優惠！想買就要快啦！

聖誕派對美食及甜點禮物

供應日期：即日起至12月24日（至少提前三天預訂）

取貨日期：即日起至2022年1月2日

自取地點：大堂餐廳GREEN

聖誕老人「聖誕驚喜朱古力球」（早鳥價$688）

紅鼻小鹿「聖誕驚喜朱古力球」（早鳥價$688）

《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

想要獨家投資理財Tips？即Like etnet 全新Facebook專頁► 立即讚好