被鬧爆「知人口面不知心」？ 馮盈盈將江嘉敏「降呢」做同事

　　【晴報專訊】馮盈盈與好姊妹江嘉敏的友情備受考驗，江嘉欣日前在網上斥有人講大話，並說「知人口面不知心」，外界將矛頭直指盈盈。盈盈昨日雖否認「被割席」，但又將江嘉敏降呢為「同事和朋友」，令不和傳聞更加可信。

馮盈盈否認與江嘉敏不和，強調近來已少用社交平台。

　　馮盈盈早前被影到與已故賭王何鴻燊的四房兒子何猷亨齊上豪華遊艇開派對，事後盈盈聲稱是好姊妹江嘉敏邀請她上船；惟江嘉敏大呻被人拖落水，強調沒做「媒人」，及後更在網上留言指有人講大話，似意有所指。

　　盈盈昨日到電視城出席《2020香港小姐競選》招募記者會，前日剛度過26歲生日的她，表示只跟家人簡單食飯慶祝，生日飯局亦沒有邀請緋聞男友鄭衍峰。盈盈笑說︰「屋企人同朋友分開慶祝，我個booking好full，無得優先，不過佢（鄭衍峰）都有send信息畀我。（何猷亨相約慶祝？）咁又無。」

不想小事化大

江嘉敏與馮盈盈同齡，曾經感情非常要好。

　　對於盛傳與江嘉敏鬧翻，盈盈再三強調沒有此事︰「我真係唔清楚詳情，呢排都好少用社交平台。其實只係因為嘉敏一個post，佢喺網上抒發情感好正常，大家唔使有咁多猜測，同埋唔使小事化大。」至於江嘉敏口中的「知人口面不知心」是否指盈盈？盈盈說︰「我真係唔知，亦唔會問，朋友都要畀啲私人空間。」盈盈透露江嘉敏有約她吃生日飯，但雙方仍未約好時間，問到是否仍是好姊妹？盈盈只謂︰「我哋都係同事、朋友。」

轉載自: 晴報

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇