分手面對面講定用WhatsApp？

　　分手又怎是說分就分，要分了，你會點做？

 

　　「我估唔到佢同我講分手係用WhatsApp。」S小姐說。

 

　　「吓，WhatsApp分手咁流？」

 

　　「唔係嘛，分手分得咁hea…。」

 

　　「至少當面或者電話講啦，咁無膽呀。」

 

　　S小姐被分手，前男友用不超過20字的WhatsApp結束關係，一眾姊妹少不免大感不值。

 

　　分手都有學問？甚麼時候提出、怎麼提出、如何收尾、如何好看地結束，不簡單啊。除了玩失蹤外，分手方法只得三種——面對面、電話、短訊WhatsApp，點揀好？當面提出最有誠意吧；見面或電話也好，交代前事後事，結束在望，好還是不好都一齊傾過，對得起大家；至於幾句文字了事的WhatsApp，自然被界定為太絕。

 

　　平時傳統又愛老套的我，認同一齊的時候好過，完結都該誠懇地結束。面對面是好，但看著對方獲通知後的落寞情緒，真的會徒生罪惡感；又或是遇上他情緒失控，提分手不成，更可能登上翌日報紙頭條？！

 

　　當壞人提分手從來都不易，但分手始終是分手，快、狠、準，少句緬懷廢話，想好對白、打好內容，send一個WhatsApp，對誰都好。見面講分手，再傾下去都不會有甚麼好結果，用WhatsApp解決啦，不吵不煩不囉嗦。

 

　　「都分手啦，點分都一樣啦lol。」我搭嘴。

 

　　分手已成定局，也不想再糾纏拉扯，怎麼分、怎麼說都不再重要，狠下心用冷冰冰的手機交代，或者大家都好過。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇