點解要拍拖？反正曖昧就好

　　他向來遊走於有拍拖和無拍拖的交界，似有非有，樂在其中。

 

　　「其實咁樣都幾好丫，我真係慣咗。」

 

　　「你覺得OK咪OK囉，哈。」我半笑的說。

 

　　認識他多年的我也慣了，一段接一段，不會定下來，身邊女伴經常換畫，言語挑逗，肆意親密，不過是曖昧的技倆。

 

　　「開心咪一齊下，唔開心咪算囉，我從來都唔會想commit喎。」

 

　　人無留，心更加不留，女來女去，他很好也很夠。拍拖？女朋友？無需要啦，疑幻似真的曖昧夠滿足了。　

 

　　當曖昧已夠引人入勝，既有拍拖感覺，卻無拍拖的束縛，需要時埋身尋樂子，不需要時轉身即走。樂於無拘無束，若即若離，肆意任玩，有甚麼不好？開心就享受多一會，悶了就say Bye，乾身淨腳的轉場找下個。拍拖最費心思的承諾、責任都省掉，曖昧是如此美好。

 

　　我支持曖昧，它有如糖果一樣，偶爾吃吃會心情暢快，你來我往的簡訊，心思蕩漾的約會，帶來一場又真又假的戀愛兼容光煥發，「調情一夕夜，勝過十連補」，我喜歡！有些人只適合和他霧裡看花，稍為曖昧尋開心，發場夢滿足過就夠，再多？不必了。點心終究是點心，不能多吃，糖衣再美都不能當正餐。

 

　　「你無諗過搵個人好好咁一齊？」我試著提醒他。

 

　　他不是沒遇過能定下來的人，但慣了曖昧氛圍，自然令他與正常關係絕緣，玩世不恭的模樣只會吸引一起玩的人。哪位正常女人敢貿然隻身犯險，冒著淪為他其中一個純屬曖昧的對象呢？與一個飄忽，未定性的人一起，行多一步都怕！

 

　　曖昧未必有對錯，享受又玩得起，誰又能說些甚麼，但錯過能認真發展的人，記得別怨。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇