睇好黎耀祥王浩信爭視帝 張振朗：我做觀眾拍手

　　【晴報專訊】張振朗憑《反黑路人甲》的「高彬」一角提名視帝及「最受歡迎電視男角色」，不過振朗昨日出席《踩過界II》宣傳活動時，自認只屬陪跑，反而睇好拍檔王浩信或黎耀祥封帝。

 

張振朗以平常心看待台慶頒獎禮。

 

　　張振朗昨日與張曦雯（Kelly）及蔡思貝等出席活動，振朗前日因趕拍新劇《拳王》而缺席台慶頒獎禮的記者會，但他笑說：「我好多謝賴慰玲、蔡思貝、祥哥（黎耀祥）都喺頒獎禮記招度提起我，好感恩。」

 

　　除了提名視帝及男角色獎項外，振朗在「最受歡迎電視拍檔」亦佔兩個候選單位，但他與賴慰玲在《反黑》的情侶檔卻無份提名，他坦言感到遺憾：「我哋做演員控制唔到，最緊要大家鍾意，記得我演過嘅劇已經好足夠。」

 

身在內地的王浩信拍片落力宣傳。

 

　　振朗又謙稱自己無可能贏視帝：「唔使諗，我睇好祥哥同浩信，佢哋都係視帝級人馬。（頒獎禮齋坐做觀眾？）真係無所謂，我負責拍手！」另外，振朗連日為《拳王》趕拍擂台戲，他自爆被打到跪低：「我有一場戲嘅對手，本身真係拳手，佢要打我個肚一下，佢一打就『入咗』，本來我仲想頂住演埋佢，但真係頂唔到，成個人跪低。」他笑言對方已經有留力：「試戲嗰陣無嘢，武指仲叫佢大力啲！」

 

張曦雯蔡思貝否認不和

 

張曦雯（左）與蔡思貝攬實玩遊戲，以行動證明友情未變。

 

　　同場的張曦雯與蔡思貝，近日被指因王浩信而鬧不和，她們昨日齊聲否認，更對傳聞摸不着頭腦。思貝說：「朋友唔係要做出嚟畀大家睇，在心中，曾經好朋友，一世好朋友。」Kelly表示與思貝私下經常聯絡：「報道話我哋喺社交網絡無互動，其實我食飯瞓覺都無po相，但唔代表我無食飯瞓覺，報道選擇性去講，我哋上月先一齊遊船河。」

 

轉載自: 晴報

• 

樂本健【年度感謝祭】維柏健及natural Factors全線2件7折► 了解詳情