嗌交寫落日記 張寶兒被「二奶」挑戰地位

　　【晴報專訊】張寶兒、謝嘉怡（Lisa）、何依婷等昨日到尖沙咀出席無綫明珠台《光影時刻星期日》記者會，會上眾人分享人生中最珍貴的時光。張寶兒透露半年前考獲輕型貨車棍波牌，追平老公袁偉豪（Ben）記錄，她又笑言試過駕駛老公的車，卻因技術差而遭對方埋怨。

 

（左起）張寶兒、陳曉華、丁子朗、余德丞、謝嘉怡及何依婷昨日出席明珠台記者會。

 

　　張寶兒早前在個人YouTube頻道分享首次駕駛棍波車的影片，貨車由老公袁偉豪借出，不過寶兒顯得手忙腳亂。昨日問到是否應付不來？她笑言會慢慢進步，始終老公的車比較重，當時並不習慣；問是否嚇怕Ben不再借車給她？寶兒笑說︰「佢係唔係都驚，部車係佢另一個老婆。（呷醋？）識佢第一日已經知道。」寶兒強調老公開車比較謹慎，所以片中說話語氣比較重，但絕不是責罵她。

 

寶兒笑言目標是考不同類型的車牌。

 

　　寶兒續指有意追上老公的車牌數目︰「其實依家已經追平，不過佢近排想考埋巴士牌，想體驗揸大車嘅感覺。」此外，寶兒在台上分享有寫日記的習慣，問到有否寫下與老公嗌交的時刻，她表示︰「都有記低，只要重要嘅事都會記低。（怕老公睇？）佢唔鍾意睇字，佢有心睇我都好開心。」

 

謝嘉怡返家鄉奔喪

 

Lisa稱自己剛返港，未有留意新一屆候選佳麗。

 

　　另外，剛從蘇格蘭返港並完成隔離的Lisa，表示此行主要是出席auntie的喪禮，她說︰「Auntie過咗100歲生日無耐就走咗，佢一向好健康，成日游水，所以好傷心，不過依家都OK。」Lisa又指自去年七月後，已近一年沒有回家，這次在未有告知媽媽的情況下回去，讓她十分驚喜。

 

　　至於何依婷受訪時透露，嫲嫲近年因器官衰竭而入住療養院，但礙於疫情，醫生不建議探望，「醫生話若果情況嚴重，先會畀我哋去見最後一面，咁我寧願唔見。」何依婷邊講邊眼泛淚光，擔心嫲嫲會以為自己不去探望而不開心，「嫲嫲依家88歲，係佢湊大我，所以感情好好。而爺爺目前都好健康，放假都會抽時間陪佢。」

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇