所謂小心，不是怕被騙，而是要注意一些細節，以免被未來的僱主扣印象分。

 

　　僱主見應徵者之前，可能早已佈好天地線。

 

　　求職者一進入公司的「雷達」範圍，其實已是under　surveillance被觀察。

 

　　由接待員至人事部員工注視至路過的同事甲，都可能報料：「個女仔坐得好難睇呀，擘開對腳!」

 

　　「佢講野有D粗魯，點做前線人員呀?」

 

　　「個男人講手機好大聲，旁若無人咁!」

 

　　「佢填個好簡單既表，都要15分鐘，效率麻麻地喎。」

 

　　諸如此類，已影響評核者的印象。

 

 

 

　　此外要注意：隨身攜帶的，身上佩戴的，都會向僱主發放訊息。

 

　　有一次請個公關經理，應徵者已屆30之齡，其手機上卻吊了隻啤啤熊，我看清楚履歷，原來是名門之後，她明顯還未長大，我唔想同人湊女！

 

　　衣著裝飾方面，年青的有時太隨便，年長的有時太隆重。其實真係慘，所謂較年長，是指35歲以上。不知她們是否要表示超級誠意(過了35，仍要在江湖游蕩，而非經人介紹來見工，是有點弱勢)，可能over-accessorise，不是戴得太多項鍊，便是既戴眼鏡又戴誇張耳環，有點似早來了的聖誕樹。

 

　　有一次我問一位年過45的四眼求職者：「你係咪好鍾意呢對大金圈耳環呢?」

 

　　「係呀，係我最心愛既飾物黎架，我覺得自己睇黎唔知醒唔醒神，所以帶D金飾黎閃下。」

 

　　如果她是慈善機構的總理，捐了幾十萬上台威下，那麼鑲鑽眼鏡配bling bling耳環，我地都接受既，但在人類普通的場合，要戴眼鏡就請低調處理頭部裝飾，帶粒ear-stud算啦!

 

　　另一位年過40的女士，一身筆挺西裝裙，本來幾sharp，誰知一坐下，解開西裝褸，其貼身小背心擁抱著一條spare軚。如果明知D贅肉會「吱」出黎，就不要穿得那麼貼身啦。這樣好有「師奶feel」!

 

　　總之，騎呢小節可以誤事。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票