耳兜人膽大

　　真是無奇不有。

 

　　不衹移形換影。若非上乘武功，就是上乘荒謬，不過又work喎！

 

 

　　朋友轉述這件事：

 

　　聘請了一名新丁，但因要出trip，交代了副手去照顧這新人。

 

　　誰料新仔上班當日，副手病了，交托另一人。

 

　　翌日老闆回來，看見新人怎麼橫睇豎睇，左睇右睇，都有點不對勁呢？

 

　　於是便問他:「你好似同見工時有D唔同嘅?」

 

　　「哦！我朋友唔得閒返工，叫我黎做！」

 

　　「嘿!請鎗返工。咁都得!」老闆驚歎。

 

　　「乜生，係咁既。佢舊公司好有誠意咁挽留佢，而我又得閒，所以佢叫我黎頂住。」

 

　　「你得閒唔等於我要請你噃。」

 

　　「乜生，你可唔可以俾個機會我呢？我同佢係同一間學院畢業，工作年資差不多。我上工前都做足功課，上網睇哂你地D產品。嗱！我有以下嘅建議……」

 

　　新仔的建議當然不是全部一矢中的，但思維方向正確，波士其實早想攪點新意思，為創作注入點生氣，於是新人留了下來。

 

　　三個月過去了，新人頗有表現。

 

　　首先，他的設計很反傳統，偶有佳作，雖然客戶不是件件收貨，但也覺得有新鮮感。

 

　　第二，他的出現，衝擊了舊人，提供了競爭。老闆本來講到口乾，舊人還是照舊有模式運作，現在則真要walk　that　extra　mile了。

 

　　據悉老闆、新仔及請鎗三位都兩耳兜兜，雖然兜風的程度不同。

 

　　在相學而言，耳貼的人小心；耳兜的人大膽。往往做出一些別人不敢做的事。這次代友上班，而老細竟然又殺，完全因為三人都不按常規辦事，賭一鋪啦！而耳兜的人常在設計方面另闢蹊徑，往往有驚喜，當然有時可能都有驚嚇嘅！今次買大開大囉！  

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》 消費能獲取快樂？買不起，不如花光錢錢$$？「習得性無助」有何影響？一起看看正確理財觀念。► 即睇