2017-11-14
雙十一,攪經濟攪狂歡又搞笑
真係有錢就任性!
用嚟形容購物狂歡又得,用嚟形容科網狂人亦得。
馬雲乘著科網的澎湃狂潮,屢次石破天驚。除咗打入中國富豪榜做主角,在雙十一當晚更在眾多滾燙紅星如吳京、甄子丹、李連杰、妮歌潔曼烘托下,成了功夫片主角,一嘗宇宙最紅的滋味(雖然祇係幾分鐘)。
雙十一成功由光棍悲情華麗轉身成購物狂歡,除了引發千絲萬縷的經濟利益外,亦引發了不少笑話:
公司同事正議論購物節的獵物,祇有一人靜默無語。
眾人問她:
「你沒有買東西嗎?」
「沒有。」
「是不是甚麼都不缺呢?」
「是,祇缺錢!」
*** *** ***
「老婆,你又瘋狂海淘嗱?」
「唔係,我係醫緊病。」
「乜病,網上買藥?」
「係雙十一症候群,我喺網上狂掃就冇事,一唔搜尋落單就頭暈!」
*** *** ***
「老婆,你要買嘅皮革、手袋、香水我上網全部買晒喇。」老公興高采烈咁報告。
「啊!打錯電話。」
「噢!對唔住。」
「唔駛對唔住。請你問吓老婆,可唔可以將你過戶畀我?」
*** *** ***
中港兩地閨蜜通電話。
「我搜左一日一夜,祇買到十雙襪同兩條秋褲!」大陸一方說。
「我買咗三十樣嘢,用咗六萬蚊。」港方說。
「幾豪喎!」
「係啦,廿九樣畀老公嘅,一樣畀自己。老公埋單嘛。」
「咁刻己?」
「佢三十樣都唔夠三千,我個手袋就五萬七千幾啦。」
「港女好嘢!」
*** *** ***
有錢就任性,齊齊趁高興。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】國家隊奧運健兒訪港,有市民指難以購票感到遺憾► 立即投票