男人想說不 視覺系美女工程

　　人類被視覺支配，這是不爭的事實。

　　雖說兩個人長久相處，內在因素較為重要，但打扮漂亮一點，無論是為了取悅異性或是討好自己亦是無可厚非。只不過，這種心態，無形中又令不少女性跌入矯枉過正的陷阱之中。尤其近年愈來愈多男士暗地投訴女友原來「妝前妝後兩個樣」，女士們才驚覺原來她們花上整整一小時化的大眼妝，竟會成為對方眼中受騙的佐證。

 

　　若說less is more……究竟less到哪個程度才算是more呢？男人永遠不會說得準，但綜合了身邊男士的意見，暫時歸納出下列三個重點：

 

濃妝/喬妝

 

　　許多女人就算到樓下超市買衞生巾，至少也要畫線眼線和塗點唇膏；到中環金鐘銅鑼灣，更非全副武裝不可。可是，我認識的男人當中，過半數人明言不喜歡女人化濃妝。他們也許喜歡偷望冶艷美女，但身旁那位，還是清雅一點較好。

 

　　「我試過輕輕搣佢面珠登，諗住佢會嗲吓我，點知佢即刻發爛渣話我整花佢個妝，又鬧我隻手污糟就唔好掂佢塊面！」（苦主一號）

 

　　「其實當初追佢真係因為覺得佢幾靚，有啲似我偶像上原亞衣，拍拖後第一次見到佢落完妝個樣，我就知自己中咗伏。如果感情都有違反商品說明條例，我肯定監都有得佢坐。」（賤嘴Arick）

 

　　「我好怕女人厚粉，前女友一挨落我膊頭，佢啲粉底即刻揩晒落我件西裝度，抹極都好似有個印。男人老狗，唔通叫佢唔好挨，又或者搵紙巾墊住至好挨咩！」（積奇士）

 

美甲

 

　　這是我的親身經歷，交過好幾位男友，都不喜歡我塗任何美甲產品！當然，也有一些男士大讚紅色指甲很sexy、法式指甲很優雅整潔芸芸，但對於過份裝飾的類型，就似乎沒那麼欣賞了。

 

　　「我公司啲女同事整水晶甲整到好似中咗幅射咁，又黐呢樣黐嗰樣，厚到成舊嘢咁。」（保羅仔）

 

　　「睇電視見到高Ling煮嘢食本來幾開胃，但係見到佢醃肉嗰陣用手指撈呀撈，啲指甲勁長，再加上油埋指甲油好似好唔合衞生。」（阿蓋）

 

　　「我鍾意望女仔對手，又白又滑就算唔搽指甲油我都會覺得好靚；但如果本身對手又乾又皺，就不如乜都唔好整，唔好要我focus落去對鳳爪度。」（Louis）

 

穿環

 

　　Tattoo & Piercing是一種文化，紋身普及了，穿環在香港卻只流行過一陣子(耳環除外)。從頭數起，眉、鼻、唇、脷、鎖骨、乳頭、肚臍、虎口，甚至下陰等等，原來也可以繫上小飾物；好此道者，當然懂得互相欣賞，但港男呢？你們喜歡那種金屬感嗎？

 

　　「穿耳骨ok！臍環都還可以接受，但係眉呀、鼻呀、脷呀......真係唔好畀我見到，太punk我接受唔到。」（小輝）

 

　　「我試過kiss過一個穿脷環嘅女仔，我幾驚整痛佢，又怕會撩咗出嚟，最驚係我會唔覺意吞埋。」（Alex Leung）

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票