見識蚊型單位

 

　　近來樓市與買家都發了高燒，無論殘宅、凶宅、蚊宅都有人搶。

 

　　日前去看了些「劏房」樓，實在蔚為奇觀。

 

 

　　218呎，本來叫298萬。經紀說印花平喎！三百萬以下印花稅僅百分之四點五，一上三百萬便百分之六了。

 

　　去睇樓時，價錢已升呢至三百三十萬。

 

　　樓宇面積當然狹小，賣點是全煙花海景，但對面地盤起好時，海景將縮至五分之一。咁你就可以日日對住一幅一百米多既牆食飯咧！

 

　　講間隔，竟然有一廳一房！所謂「房」，衹可以放一張三呎半床，其餘沒半吋空位，你唔係行入去，係仆入去！

 

　　「小姐，你嫌細，我仲有一間，大好多。」業主踴躍地說。

 

　　這「大好多」的樓就在下層，其實一樣218呎，不過有個500呎平台。

 

　　「平台好闊架，有廚房有浴室，設備齊全，最啱小姐你開Party，你睇！對住無敵海景，飲住香檳，幾浪漫！」

 

　　唔駛問，呢D浪漫佈景，係僭建嘅。

 

　　「小姐你唔鍾意僭建，我又有其他選擇喎。」

 

　　接著去看其另一筍盤。

 

　　是微筍。

 

　　186呎。

 

　　雖然衹有百多呎，卻盛惠332萬。若買了嫌屋小，可以去其微型會所，望住海做GYM，將身體操Fit，去Fit呢間好似威化餅咁薄嘅屋。

 

　　我對瘋價樓沒興趣，但覺得業主挺有趣的，你若在人叢中見到他，可能以為是校役、茶餐廳伙計、超齡看更……等，不過他擁有十多間物業噃。

 

　　他不僅咀頭落足，鼻頭更豐滿十足，簡直像一粒糯米糍黏在臉中央，圓渾趣緻。

 

　　相學上鼻為土星，古時有土斯有財，現代磚頭亦極有價。

 

　　不少女人都狂想嫁個有錢人，若退而求其次，嫁個有樓人算了，就要帶眼識人，緊盯對方鼻子，若鼻頭有肉，肯定可享福祿，你嫁了他，有望身家不俗，坐定笠六！

 

   

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票