《經濟不停學》加密貨幣術語一籮籮，「SH」「Lambo」你又識幾多？

　　近來香港多左好多人玩加密貨幣，見討論區都一堆人問點樣「上車」，因為要開錢包又要俾燃料費，技術門檻都唔低；買完就睇下其他會員講咩啦！但討論區成日出現咩「Whale」、「SH」、「Lambo」、「Diamond hand」咁，完全唔知佢講咩？今日就同你整理下幣圈術語，等新手加入討論時候唔眼望望啦！

 

(iStock圖片)

 

實用篇

 

(iStock圖片)

 

Whale：鯨魚，泛指大戶，因為大戶一出貨就必然牽動幣圈情緒，就好似鯨魚一轉身必然附近浪花四濺咁，所以睇實區塊鏈上班鯨魚出出入入係幣圈會員每日動作。

 

ATH: All time high，即歷史高位

 

FOMO：Fear of missing out，即係形容散戶恐慌性買入，通常加密貨幣一爆升就係幾十巴仙甚至幾倍，所以散戶害怕錯失升幅就會不問價買入。

 

Moon/To the Moon：飛向月球，即係爆升咁解，好似坐火箭咁。

 

Alt/Altcoin:山寨幣，泛指比特幣以外的加密貨幣，種類繁多，好似有基於挖礦的幣種，例如以太幣；與美元掛勾的穩定幣，如泰達幣；治理幣，給予持有人發言權及投票權，可以決定項目發展方向；迷因幣，透過網絡迷因而有炒作的幣種；空氣幣，沒有自己主鏈，亦沒有實際用途，單純炒作。

 

Pump and Dump：Pump即係買入貨幣上升，Dump即係出貨令幣價下跌

 

Bullish/Bearish：牛市/熊市

 

NFT：非同質化代幣，即該個代幣是獨一無二，代幣可以搭載任何東西，例如畫作、音樂、股權、產權等，放係市場出售；對比比特幣、以太幣，則屬於同質化代幣，每個幣幣值一樣。

 

Gwei：燃料費（Gas Fee）的單位

 

網絡吹水篇

 

(iStock圖片)

 

Hodl:持有的意思，有網民將hold串錯hodl，因而衍生的新潮語。

 

SH: Strong Hold，即係強力持有，或繼續持貨。

 

Lambo：林寶堅尼汽車的簡稱，有投資者買虛擬貨幣，夢想致富之後與其他同樣持貨的　人開「林寶汽車聚會」，因此Lambo在加密貨幣界有解「快速致富」的意味。

 

Diamond hand/ Paper hand：指持貨人的持貨能力，「鑽石手」指持貨人的持貨能力很強，所買的貨幣由「幣」變「鑽石」，而「紙手」，即形容持貨人的持貨能力弱，小小波浪已經被嚇得立即出貨。

 

Bought the dip: 低位買入

 

DYOR: Do your own research，買幣之前記得做好資料蒐集，肯定隻幣有前景先好買！

 

Defi：去中心化金融

 

FA：Fundamental Analysis，基本分析

 

　　相信學識以上生字都夠係網絡吹水用，近期加密貨幣不停破頂，唔少人係互聯網分享買幣基本入文，又或者新幣前景分析，不過由於加密貨幣係由外國開始流行，所以難免好多時候要使用英文交流，學多兩個生字，買貨之後先可以To the Moon架嘛！

撰文：李皆穎

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

第九屆「傳媒轉型大獎」請投etnet經濟通一票！ ► 立即行動