《Online有話兒》議息懶人包：美國最快2023年加息，供樓人士有無影響？

　　市場期待嘅議息結果終於出爐，一如市場預期維持息口及買債數量不變，不過市場焦點並唔係落在呢次議息結果，而係聯儲局幾時會開始加息呢？主席鮑威爾表示，如果聯儲局縮減買債及加息的話，將會有序、透明進行；而多位官員表示２０２３年將會開展加息，咁對香港有又有咩影響？

 

 

 （Shutterstock圖片）

 

鮑威爾：加息根本不是眼下重點，收水將有序進行

 

 

  （AFP圖片）

 

　　其實市場「加息風」早早吹起，美國財長耶倫半個月前已經積極助攻，表示加息對美國經濟有利，而5月份美國經濟數據強，亦為加息增加藉口。從美聯儲點陣圖顯示，有13位官員認為到2023年底美聯儲至少加息1次，11位官員認為至少加息2次。而鮑威爾係會後表示：

 

　　「加息根本唔係FOMC重點，例如美國離最大就業仍很遠，美聯儲睇到更多數據時，先可能會討論縮減買債時間，就算開始縮緊買債都會係一個有序、透明嘅過程，如果要做任何決定前會提前通知。」

 

　　鮑威爾已經先後不止一次對大家大派定心丸，皆因市場認為加息屬於「洪水猛獸」，係目前疫情未完全穩定之際，假如再有變種病毒出現的話，經濟將進一步受挫，咁到時會否如期加息呢？

 

通脹預期持續升溫，惟預期未來供應增加

 

 

  （Shutterstock圖片）

 

　　其他數據方面，聯邦公開市場委員會（FOMC）預計，今年個人消費支出價格指數升幅，由2.4%升至3.4%；明年預測由2%升至2.1%；2023年預測由2.1%升至2.2%。鮑威爾就指，過去幾個月通脹高於預期，但預計供應未來將增加，而美國即將迎來非常強勁嘅勞動力市場。

 

　　鑒於此，FOMC對美國今年第四季失業率維持4.5%不變，明年第四季失業率預測由3.9%降至3.8%；2023年全年維持3.5%不變。鮑威爾並指，到9月時或有1500萬人面臨失業救濟金終止或減少，不過開心嘅係，鼓勵重返工作崗位，人人有工開，先可以人人有飯食啊嘛！

 

後年美息中位數0.6%，事實仍處於低息！

 

 

  （Shutterstock圖片）

 

　　至於加息對香港有咩影響呢？理論上，加息有利美元重返強勢，對掛勾美元嘅港元同樣有利啦！所以美元強勢又間接影響以港元計價嘅港股，預計加息後資金會進一步流入港股及美股市場；至於避險產品例如油、金、債券等，都因為美元走強關係會開始有疲弱情況，不過以上都係理論情況，都要睇返政經大事先可以落定論。

 

　　至於供樓人士係咪需要開始擔心呢？其實環球息率長期處於低息狀態，已經有利大家上車！而聯儲局與會委員預計2023年底利率預期中值為0.6%，至少加息兩次，每次25點子，呢個加幅都較為溫和；而目前大部分人都採取Ｈ按供樓，平均都係1.4厘左右，相信加息對供樓人士影響十分有限，可能樓價升幅都係返到啦！

 

撰文：李皆穎

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》：講講常見年輕人理財問題！想「人有我有」？認可理財社工分享理財觀念小秘訣！► 即睇