【夏天必去】「海洋公園x海賊王」全新夏水戰　景點及濕身專區逐個睇！

3個濕身專區　濕足全日唔準停！

　　去得夏水戰，預咗濕身是常識吧～但大家不要以為著上雨衣就可以「力保不濕」，這實在太天真的想法了，因為今次的大戰會令你由頭濕到落腳，由內外濕到內！

1. 海賊王：水戰激鬥

　　這個大型水戰場就重現了海賊王最經典的戰役「頂峰戰爭」場面，大家可以組成八人小隊，手執水槍地與草帽小子一同決戰海軍。在戰場上，你要穿過瀑布、水簾隧道、深海洞穴和噴泉迷宮等，小編保證，你一定會全身濕透！

以為完成任務後影相留念咁簡單？！

其實係整個水戰的最後一擊才對…所以，著雨衣真係無用㗎…

2. 海賊通緝令

　　在海濱樂園廣場內的「海賊通緝令」既有互動濕身元素，又能讓各位粉絲瘋狂拍照打卡，大家可以濕住咁成為高金額的實力派通緝犯啦！

3. 巨型路飛草帽

　　再向前走，你就會見到瀑布從「巨型路飛草帽」一瀉而下，最適合跟朋友們一齊入去玩水，有乜嘢留返濕咗先講啦！

　　今年的夏水戰以海賊王為主題，當然少不了一眾經典角色出來跟大家見面影相啦！大家只要在不同時段來到「草帽小子一伙見面會」，就可以跟喜愛的角色見面及合照。

喬巴

布魯克與路飛

弗蘭奇與索羅

　　除了經典人物會出來跟大家見面外，園區內亦有不同的打卡位給大家影到夠～

　　另外，大家在玩完水後，一定要去欣賞「仲夏水花狂舞派對」的勁歌熱舞表演。但不要以為睇show可以唔洗濕身，說得是夏水戰，當然是每一Part都要充滿水花啦！

　　提提大家，海洋公園推出買二送一門票優惠，香港居民於7 月13 日至9 月1 日期間在海洋公園正門售票處或海洋公園網頁購票，可以優惠價港幣996 元購得三張成人門票，或以港幣498 元購得三張小童門票，仲唔快啲約朋友一齊去玩！

海洋公園夏水戰

日期：7月13日至9月1日