開Cafe遭投訴價錢貴 193@ERROR：要平去食兩餸飯

　　【晴報專訊】「宇宙天團」ERROR前晚在《Chill Club頒獎禮》獲「年度組合」銅獎，成員郭嘉駿（193）亦奪得「年度新人」銅獎，四子開心說：「零的突破呀，最開心係因為今年分開樂隊同組合獎，如果唔係我哋應該都攞唔到。」193坦言覺得自己不值得獲新人銅獎，又笑言出歌只為興趣。他們又乘機宣傳吳保錡推出的新歌《猥瑣》：「保錡下首歌可以叫《人渣》。」

保錡（右二）獲隊友推舉明年勇奪新人獎。

　　另外，193早前與友人合資開設咖啡店，但有食客投訴價錢貴及食物偷工減料，他霸氣回應說：「Cafe不嬲都係呃錢嘅，要平可以去食兩餸飯，我呢度有埋裝修，價錢嚟講算正常。不過對於網民嗰張（食物）相，我同拍檔了解過，亦訓斥咗員工，下次你哋再嚟，包你食到嘔。」