「深圳秋葉原」聽過未？未去過就要留意啦，最近，深圳福田BitCity次元小鎮新開一間超大型扭蛋城，設有約1400部扭蛋機，而且鄰近地鐵站，成為扭蛋迷必到的check list！商場更售賣不少二次元商品及cosplay主題服飾，亦有特色餐廳，好啱動漫fans嚟到一站式食買玩！

（圖片來源︰魅力福田@抖音截圖）

（圖片來源：补番大帝@小紅書）

　　位於深圳福田BitCity次元小鎮扭扭城New New Town，於9月8日新開幕，號稱是全國扭蛋機面積最大的場地，官方更以「深圳秋葉原」為宣傳！的確，場內扭蛋機多達1400部，大人小朋友見到一排排扭蛋機巷，已經心心眼。扭蛋選擇多不勝數，包括近期熱爆大熱Chiikawa、葬送的芙莉蓮、鬼滅之刃、蠟筆小新、百變小櫻、多啦A夢、排球少年、迷宮飯等動漫卡通的公仔、飾物、鎖匙扣及小擺設。

（圖片來源︰Vicky@小紅書）

　　香港玩一次扭蛋真係唔平，靚款式要四、五十蚊，亦未必抽心水款式！扭扭城New New Town價格更是非常吸引，每局人民幣¥15-¥35，扭蛋玩多幾次都冇咁肉痛，可用微信港幣銀包或大陸支付寶掃碼付款。

（圖片來源︰Vicky@小紅書）

（圖片來源：haPpymoon@小紅書）

（圖片來源：扭扭城NewNewTown@小紅書）

（圖片來源：萧筱喵@小紅書）

下一頁： 商場除扭蛋，仲有咩玩？