只有你想不到，沒有你吃不到。生活在被譽為美食天堂的香港，毫不誇張的說，街頭的美食就算你365日變著花樣來吃，都不會重複。也正因為此，身邊朋友個個都識飲識食，好似一部美食活字典。但若問他們會對哪間餐廳或食物會一心一意？Sorry，被寵壞的食客永遠是追著潮流走。想來也是，新餐廳一間接一間的開，出盡法寶討好顧客，這年頭一心一意售賣一碗麵的餐廳，如何能生存？！

　　這個道理顯而易見，但壹碗麵創辦之初，老闆Michael卻是秉著這樣的初心。Michael廣告行業出身，不想困於現狀便於7年前投身飲食行業，在北角和富道開了一間小店，「當年阿鴻小吃剛摘星，食客都涌到這條小街，我在隔壁開店都沾到光，總有些人覺得我們幾特別，便入來試一下。」

店子雖小，星光熠熠。店主Michael與葛民輝老友鬼鬼，也經常有導演、明星光顧。

　　「世人腦中已經有個結論，河粉是甚麼味道，蝦子麵又是甚麼味道，我唔想跟人地，想打破這個觀念，創造一種特別的味道。」Michael口中的「特別」，便是有著2cm咁寬的鴨蛋闊麵。記得多年前他於旺角食過一次豬油撈麵，用的是闊麵，便去跟師傅取經，但師傅只講個大概就讓他自己去搵麵廠傾。

　　「當時無而家網絡咁發達，我攞本黃頁出來逐個電話撥，麵廠都無人識做這種闊麵，當然無人睬。」Michael感慨好彩搵到筲箕灣佛記麵廠，又好彩是個「靚仔」聽電話，「佛記有80幾年歷史，Nelson是第三代主事人，剛留洋回來，我們一拍即合，他肯幫我訂造製作闊麵的機器刀具，單是切麵的刀具改過不下十次，麵條用上日本麵粉，配方更是不斷嘗試，不斷修改，最終以雞蛋與鴨蛋3:7的比例，造出我要的這款寬蛋麵。」

 　　這種闊麵煙韌有咬口，撈麵來吃最有滋味，撈麵的醬汁亦是經過不斷摸索，伴以薑蔥蒜調配，顏色雖深卻又不會過鹹，透著甘甜，襯托到蛋味更突出。

 一心一意售賣一碗麵，酒糟腩肉撈闊麵。當年的經典作品，現新店仍會不時encore，想食要碰運氣。

　　Michael記起莫文蔚爸爸曾幫襯過北角舊店，食完麵走過來跟他說：「幾叻仔喎！我食咗咁多年麵，都未試過一種咁特別嘅！你嘅麵條好特別，不過個醬汁就差啲啲，唔夠杰身，再搞搞佢，個麵就會更好味啦！」Michael記於心，後經過反覆嘗試，成就了打響名堂的酒糟腩肉撈闊麵。