29/04/2025 17:30
《小傳日記》ChatGPT殺入電商，Google飯碗危危乎？
《小傳日記》個個都話，互聯網企業嘅終點就係廣告同遊戲，估唔到從非牟利起家嘅AI先行者ChatGPT，改行盈利路線之後都要走上廣告呢條路！今日凌晨OpenAI突然宣布，幫ChatGPT加咗個購物功能，以後買嘢直接同AI傾偈就得喇。
例如，你通過聯網模式問ChatGPT，「幫我搵一部初學者用嘅電結他」，佢就可以彈出幾款真實商品出嚟，連埋圖片、價錢、評分、用家評價都有，然後你就可以直接㩒入去商戶網站俾錢。同傳統電商或者Google搜尋引擎唔同，用家唔需要喺一堆link入邊慢慢搵，而係通過AI幫你篩好、比好，甚至記住你喺之前對話中嘅偏好，推介最啱你心水嘅貨品。
其實佢有部分流程睇落同喺Google直接搜尋商品都差唔多，譬如你㩒張平價辦公椅圖片，右邊會彈出Amazon、Walmart等零售商嘅購買連結。但最大嘅唔同係，OpenAI嘅搜尋結果係冇付費排名，亦冇商業贊助，唔會話邊個商家畀多啲錢就排上頭位，暫時囉。
咁ChatGPT係如何確認商品排序？OpenAI話，「AI唔係靠死算法同關鍵詞匹配嚟運作，而係用對話理解你嘅需求。佢會去分析大家點樣評價一件產品，討論嘅重點喺邊，優缺點又有啲乜。」好似你同ChatGPT講你只會喺某個零售商度買黑色衫，ChatGPT就會儲存並分析哩個信息。下次你想買襯衫，佢就會分析你中意嘅零售商嘅襯衫有冇特點，從而推薦啱你心水嘅貨品。
除咗商品排序係AI根據你嘅偏好調整，你仲可以要求ChatGPT，喺推薦商品時優先參考某類評價，有語言模型理解，幾刁鑽嘅要求都做到，無論係《Wired》呢啲專業評測同Reddit呢啲用家論壇，ChatGPT都可以搵到。
好快OpenAI仲會將記憶功能同購物功能整合畀ChatGPT嘅Pro同Plus用家。即係話，ChatGPT後會記住你之前傾過嘅嘢，畀你更個性化嘅商品推薦。好似你之前提過搬新屋，下次打開ChatGPT，佢就可能會向你推啲實用又靚嘅小傢俬。
OpenAI嘅購物功能一出，再結合埋人工智能+算法助陣，Google認真要打個冷震。事關Google成20%至25%廣告收入靠購物相關業務，尤其係Google Shopping廣告。如果大家習慣直接喺ChatGPT買嘢，由AI幫你篩選大部分商品，連Google Search都skip埋，咁啲廣告邊有人撳？OpenAI可以話今次正面狙擊谷歌嘅核心盈利模式。
其實Google Search推薦好多時都係啲出價最高嘅廣告位，根本唔係真心幫你搵最好嗰款，只不過如果OpenAI要牟利，莫非要喺chatbot入面加入廣告功能？消費者眾口難調，有人希望將推薦變得更個性化、更智能化，慳時間之餘仲可以睇到啲更客觀嘅意見，不過有人就希望推薦功能可以蠢啲，唔好過分收集用戶個人資訊，否則就同近期大熱美劇《黑鏡》某一集內容相映成趣啦，請請！
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。
例如，你通過聯網模式問ChatGPT，「幫我搵一部初學者用嘅電結他」，佢就可以彈出幾款真實商品出嚟，連埋圖片、價錢、評分、用家評價都有，然後你就可以直接㩒入去商戶網站俾錢。同傳統電商或者Google搜尋引擎唔同，用家唔需要喺一堆link入邊慢慢搵，而係通過AI幫你篩好、比好，甚至記住你喺之前對話中嘅偏好，推介最啱你心水嘅貨品。
其實佢有部分流程睇落同喺Google直接搜尋商品都差唔多，譬如你㩒張平價辦公椅圖片，右邊會彈出Amazon、Walmart等零售商嘅購買連結。但最大嘅唔同係，OpenAI嘅搜尋結果係冇付費排名，亦冇商業贊助，唔會話邊個商家畀多啲錢就排上頭位，暫時囉。
咁ChatGPT係如何確認商品排序？OpenAI話，「AI唔係靠死算法同關鍵詞匹配嚟運作，而係用對話理解你嘅需求。佢會去分析大家點樣評價一件產品，討論嘅重點喺邊，優缺點又有啲乜。」好似你同ChatGPT講你只會喺某個零售商度買黑色衫，ChatGPT就會儲存並分析哩個信息。下次你想買襯衫，佢就會分析你中意嘅零售商嘅襯衫有冇特點，從而推薦啱你心水嘅貨品。
除咗商品排序係AI根據你嘅偏好調整，你仲可以要求ChatGPT，喺推薦商品時優先參考某類評價，有語言模型理解，幾刁鑽嘅要求都做到，無論係《Wired》呢啲專業評測同Reddit呢啲用家論壇，ChatGPT都可以搵到。
好快OpenAI仲會將記憶功能同購物功能整合畀ChatGPT嘅Pro同Plus用家。即係話，ChatGPT後會記住你之前傾過嘅嘢，畀你更個性化嘅商品推薦。好似你之前提過搬新屋，下次打開ChatGPT，佢就可能會向你推啲實用又靚嘅小傢俬。
OpenAI嘅購物功能一出，再結合埋人工智能+算法助陣，Google認真要打個冷震。事關Google成20%至25%廣告收入靠購物相關業務，尤其係Google Shopping廣告。如果大家習慣直接喺ChatGPT買嘢，由AI幫你篩選大部分商品，連Google Search都skip埋，咁啲廣告邊有人撳？OpenAI可以話今次正面狙擊谷歌嘅核心盈利模式。
其實Google Search推薦好多時都係啲出價最高嘅廣告位，根本唔係真心幫你搵最好嗰款，只不過如果OpenAI要牟利，莫非要喺chatbot入面加入廣告功能？消費者眾口難調，有人希望將推薦變得更個性化、更智能化，慳時間之餘仲可以睇到啲更客觀嘅意見，不過有人就希望推薦功能可以蠢啲，唔好過分收集用戶個人資訊，否則就同近期大熱美劇《黑鏡》某一集內容相映成趣啦，請請！
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。