RSS訂閱 呢期大市低迷，好多股份都計劃私有化。無計，而家確實係最好時機，好似今日隻A8新媒體(00800)，就用倍幾溢價進行私有化。
A8新媒體公布，執行董事、主席兼首席執行官劉曉松持有的LUXORIGO INVESTMENT LIMITED作為要約人建議以協議安排方式私有化該集團及撤回上市地位，每股註銷價36仙，比停牌收報13.7仙溢價約1.6倍，比去年底每股資產淨值56.3分人民幣（約61.8港仙）折讓約41.75%。
集團表示，呢次私有化大概用3億左右，確實和味。因為公司除左作文化產業之外，仲有做物業投資，另外仲有現金及現金等價物約5億多少少，用3億就可以回購返咁多資產，老細盤數真係識計。
又咁講，老細們有老細們玩，股民有股民玩，今日股價立即由0.137升到0.33，第一日都係呢個水平，關鍵係之後幾日會唔會有人後悔想放返堆股出來，如果股價有機會跌近3毫子附近，都可以考慮玩小小，等佢私有化。
不過注意返，公司好似有比較多資產，班原有股民肯唔肯咁順攤？呢個就係風險所在啦！《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet健康網購 | 6月限定優惠【送：明目藍莓精華36:1】乙樽► 火速行動
