《魚缸博客》百勝中國成績算收貨，但仲有冇向上爆發機會？

　　百勝中國(09987)噚日（4日）盤後出第三季業績，淨利潤2.97億元美元，升22%，勝於預期的2.61億美元，而首三季淨利潤7.96億元美元，升9%，派第三季股息每股0.16元美元。
　　係咪算好？梗係好，其實係內地，KFC同PIZZA HUT已經變成平民美食，係麥當勞之外兩種廉價美式快餐，特別係內地PIZZA HUT搞「自助餐」，個個去食榴槤PIZZA同雞翼，都好受內地食客歡迎。
　　該集團指，今年首三季肯德基（中國市場）淨增987間至1.12萬間，必勝客（中國市場）淨增293間至3606間，預計在未來幾年，在肯德基的淨新增門店中，加盟店的比例將逐步提升至40%至50%，必勝客則提升至20%至30%。
　　另外，大部分大行睇法都相當正面，幾乎將目標價升到400蚊至440蚊不等，係得大和仲KEEP係275蚊目標價。
　　點解讀？博客認為，大行係叫緊有貨班人，400蚊好走啦，佢目前係值呢個價。事實上百勝中國由7月到而家都升近倍，其實真係已經到頂，博客都一樣認為。
　　如果想玩又應該點？玩牛熊／輪的話，以槓桿方法炒上去，都仲有少少水位，但正股不了；假如有貨的話，差唔多到位好食，估計400蚊左右有一定沽壓，目前都仲差十幾蚊啦。

《編者按》本欄搜羅即市傳聞，惟消息未經證實，《經濟通》亦不保證內容之準確性。